Barrydale Online

Nico Weeber sent in the following account of the Renosterbos MTB Challenge held on 31st October:

"Dit was die eerste Renosterbos Bergfiets Uitdaag en Familiedag.
Ons is 'n klein plattelandse gemeenskap en NGK Gemeente. Fondse en betrokkenheid is maar altyd op ons tafel en hierdie dag is een van die maniere wat ons gebruik om albei aan te spreek. Die Bergfiets deel kom al 'n lang pad in ons koppe. Ons het onbeskryflike mooi natuurskoon en ideale bergfiets terrein. Die roetes (5, 25 en 60 km) loop deur wingerd, vrugte boorde en karoo-veld. Ons het probeer om iets vir almal te bied en die 60km het stukke gehad wat 'n regte uitdaging bied, maar ook gedeeltes waar deelnemers die natuur kan geniet.
Die dag is ook 'n familiedag en ons het hierdie jaar vir Lollos gehad wat die kinders vermaak het, asook springkasteel, gesigverf, speletjies, "lekkergoedtafel"
 
Na die wedrenne het ons prysuitdeling en "luckydraws" gehad en kon die Curriebekerfinaal op grootskerm kyk.
 
Dit was regtig 'n fantastiese dag en die terugvoer was oorweldigend goed.
Ons het baie geleer met ons eerste poging en gaan volgende jaar verseker groter en beter!"